ԱՏԱՄՆԵՐԻ ՎԵՐԱԿԱՆԳՆՈՒՄ

Ատամների վերականգնումը ժամանակակից ստոմատոլոգիայի  ուղղություններից մեկն է, որը հնարավորություն է տալիս շտկել, վերականգնել վնասված ատամների անատոմիական ձևը, կառուցվածքը, ատամի էմալի գույնը, վերացնել ատամնաշարի և բնածին, և ձեռքբերովի թերությունները: 

Էսթետիկ ստոմատոլոգիան, նախևառաջ, ատամների գեղարվեստական վերականգնումն է, որից հետո պացիենտը ստանում է գեղեցիկ ժպիտ առանց պրոթեզավորման: 
Էսթետիկ ստոմատոլոգիայում  առանձնացվում են միմյանց հետ կապված երեք հասկացություն` ատամների վերականգնում, կոնստրուկցիա և տրանսֆորմացիա:  Էսթետիկ ստոմատոլոգիայում բազմաթիվ մեթոդներ կան, որոնք հնարավորություն են տալիս պացիենտի ժպիտը դարձնել ճաճանչափայլ: 
ժամանակակից լուսապոլիմերային նյութերի օգնությամբ կարելի է կատարյալ դարձնել ցանկացած ձև, ինչպես նաև, ընտրել ատամի հյուսվածքին համապատասխան կատարյալ գույն: Գեղարվեստական վերականգնումը ատամի  պրոթեզավորման լավ, երբեմն լավագույն այլընտրանքային մեթոդն է: 

Ատամի վերականգնումը, ըստ էության, նույն պլոմբավորումն է, ինչ և  սովորական կարիեսի բուժման դեպքում: Ատամը սկզբից համապատասխան մշակման է ենթարկվում, իսկ հետո արդեն գեղարվեստական աշխատանքի հերթն է գալիս: Այստեղ արդեն ստոմատոլոգը  քանդակագործի դերում է, նա պետք է ոչ միայն վերականգնի ատամի գործառույթը, այլև գեղեցկությունը, շերտ առ շերտ հավաքելով տարբեր երանգների կոմպոզիտային նյութը: