Մանկական ստոմատոլոգիա

Երեխայի ատամների մասին ծնողները պետք է հոգ տանեն դեռ մինչև նրա ծնվելը: Հղիության առաջին փուլում մայրն անպայման պետք է բուժի իր ատամները, բերանի խոռոչի բորբոքային հիվանդությունները, քանի որ դրանց պատճառով նվազում է իմունիտետը, որն, իր հերթին, վատ է անդրադառնում  երեխայի ատամների ձևավորման վրա: 

Ռացիոնալ, հավասարակշռված սնունդը կօգնի կնոջ օրգանիզմին ապահովել իրեն ու փոքրիկին բոլոր անհրաժեշտ հանքային նյութերով, վիտամիններով:   

Մանկական ստոմատոլոգիան ներառում է.

-    կաթնատամների և մշտական ատամների կարիեսի բուժում,
-    կաթնատամների և մշտական ատամնային ուղիների բորբոքման բուժում,
-    լնդերի և լորձաթաղանթի բուժում,
-    կծվածքի շտկում,
-    ատամների վնասվածքների հետևանքների բուժում,
-    ատամների կոսմետիկական վերականգնում:

Կաթնատամներն անհրաժեշտ խնամք են պահանջում և պահանջվող բուժման ժամանակին կատարում: Երեխաների մոտ ատամների հիվանդության կանխարգելումը շատ կարևոր է և անհրաժեշտ: Չի կարելի «մխիթարվել», թե, միևնույնն է, կաթնատամներից հետո մշտական ատամներ են լինելու, և դրանց հանդեպ արդեն հիմնովին ուշադիր կլինեք: Անհրաժեշտ է փոքրիկին կանոնավոր կերպով տանել ատամնաբույժի մոտ պրոֆեսիոնալ զննման, որովհետև կաթնատամները հիմնական ատամների հիմքն են:

ժամանակին չբուժված կաթնատամները կարող են լուրջ վտանգ սպառնալ    մշտական ատամների առողջությանը: Նախևառաջ այն պատճառով, որ ատամը, որը ձևավորվում է հիվանդ կաթնատամի տակ, արդեն կարող է վնասված ծկլթել կամ էլ ընդհանրապես իր տեղում չլինել: 
Եթե կաթնատամն անժամանակ հեռացվի, ապա մնացած ատամները կսկսեն ճնշել  դատարկ տեղի վրա ու աստիճանաբար դեպի այդ տեղը շարժվել: Եվ սխալ կծվածք ձևավորվելու վտանգ կզարգանա, իսկ այդ խնդիրը կարգավորելն արդեն երկարատև է ու թանկարժեք: